صـواحی گسفن همرا شـونه ، چپون
گـد کـده کـــوره بــالا شــونه ، چپون

هـــوا ســـرده بچـــاهی تـن هـداهه
دپیت وشال و کـــلا شـــونه ، چپون

دیــاره اسبـه سارخ دسه چــــو تـن
دوسی نــون و پــلا شـــونه ، چپون
چمــر بیته ملـــه چپـــــونه ونگـه
ای دیمـه کـوه و صحرا شونه ، چپون

وره ره نـــاز دنـــه شه کشه دارنــه
قـــدم رج زنـده ، ها ها شـونه چپون

نمـــاز خـــونه وه اون راسی تیناری
قبله ور ، دس به دعا شــونه ، چپون

خسه بیه ، تـو بیته ، تـن نخـــــاره
لب لبی دسه چــو جا شـونه ، چپون

للـه زنده چپـــــــون اشدونده ویشه
گلـی مس و نفس جا شـــونه ، چپون

نماشــونه ، بمـــو چپـــــون دیــاره
خسه بیه ، ای فـــردا شــونه ، چپون

دس و لینگه یــــواش ای کشنه دس
درازه روزه وه را شــــــــونه چپــون

همش تن خسوهه چش مسه خـوهه
صواحـی ونگه طـلا شــــــونه چپون

طاهـری شعــر بساز ، چپونــه درده
بدونن دیمه صحــرا شــونه، چپون

میر حمزه طاهری هریکنده ای نوپا

@mojtabayosefi

#‌فیلبند #‌سنگچال #‌آمل #‌بابل #‌مازندران #‌عمران #‌ملکشاه #‌سنگچالی #‌فیلبندی #‌ملکشاه #‌چلاو #‌گردش #‌گردشگری #‌ییلاق #‌عمرون #‌تیار #‌شیاده #‌بندپی #‌نجارکلا #‌دیوا #‌پاشاکلاه #‌زرخونی #‌پاشاکلاه #‌چمه_بن#‌گتکلا #‌دیا #‌دایو
#‌filband #‌sangchal #‌babol #‌amol #‌mahmodabad