دو اسلاید. لطفاً ورق بزنید
.
.
غزل گیلکی : گیلؤنه ی
.
.
شاَنه تی دامؤن ِ س سر ناَن و خوتن گیلؤنه ی
لب ِ پا شاَنه گودن تی تنِ موتن گیلؤنه ی

غم خودی آلوغ اگه مَ پیش و دونبالَ کؤنه
چیسه چاره ؟ مگه تی سینه دخوتن گیلؤنه ی

تاَ تی جؤنگینه عَطَر گندنه مَ تورَا بونم
تورتوری کاره نخواَ هیچّی مَ گوتن گیلؤنه ی

اَهَه تی خاطیرِ خواَسَّن داَنه خیلی چَم و خَم
اینِه خواَ تاَم بزاَ تی بوره س سوتن گیلؤنه ی

اُره که خوشکِ روخئؤنه جوری داَنم مو تَرَک
خوبه تی عاشقی آبه می سر فوتن گیلؤنه ی

تی قشنگی چیچه؟ عینه یه شؤء ِ بَواَرسه برف
نبی او پا که اونه کاره دموتن گیلؤنه ی

تو می گیلؤن ، اونه گیلؤن ، همِه گیلؤنی ، اینِه
خواَنی بؤن زلزله تی خوبی جی گوتن گیلؤنه ی

وُنشکنه خنده تی شی تا نبی تی عاشقِ کار
غم و غُصّانِه تی سینه جی ووروتن گیلؤنه ی

پورزَمَت می ناجه أمرَه که ایسه مخملِ چاَچ
ایسه می کار تِ پیراَن بهاری دوتن گیلؤنه ی
.
.
نادر زکی پور لنگرودی
ضبط: استودیو آوای موج نوای گیلان - حمیدرضا فرجی @studio_avaye_moj
_________
#‌شعر_گیلکی #‌غزل_گیلکی
#‌نادر_زکی_پور_لنگرودی
#‌زبان_گیلکی #‌فرهنگ_گیلکی #‌زبان_مادری #‌گیلونه_ی #‌گیلان_جان #‌گیلان #‌گیلکانه #‌لنگرود #‌لیلاکوه #‌چمخاله #‌چاف #‌اطاقور #‌دیوشل #‌کومله #‌لاهیجان #‌رودسر #‌املش #‌سیاهکل #‌دیلمان #‌تالش #‌اشکورات #‌ییلاق #‌آستانه_اشرفیه #‌رشت #‌فومن #‌کیاشهر #‌بندرانزلی